|
ترى الرجال اوصاف يا جاهل ن بهم=والتجربة برهان وضرب حسابها
فيهم سوات الذيب يضوي وينهزم=يا خذ ويعطي قبل يكشف صوابها
وفيهم كما الثعلب يعيش بحيالته=يا خذ ولا يعطي أليا جاء اشتبابها
وفيهم سوات النمر يخفي شجاعته=الا ليا شبت يطفي ألتهابها
وفيهم سوات الفار يخرب ويلتوي=دائم بيوت العز يقصد خرابها
وفيهم جمل يصبر ويشتال حمله=ترم العلايق فوق وسقة زهابها
وفيهم حويشي دوب نفسه يشيلها=لو شيل فوقة حملت ن ما مشابها
وفيهم كريم الكف معروف بالصخى=وفيهم بخيل الواجبه ما شقابها
وفيهم سوات السيف تنجيك سلته=وفيهم دجاجة زادها من ترابها
وفيه امورن ما بغينا نعدها=عن الله الرزاق تلقاء حسابها
هذا وصلى الله على سيد الملاء=ما هل وابلها ومخضر جنابها
|
