الف والف عد ماهو عددها

[فارس نجد]

الـف اولـف عـد ماهـو عددهـا
يـوم المعانـي تعتليهـا جـددهـا
قلته وانـا بآقـول وهـذا جهدهـا
سيري مـع الطـاروق بالأبجديـه
والباء بديت القول بإسـم الإلهـي
رب السماء والارض آمـر وناهـي
في خاطري قـولٍ ولانـي بساهـي
أشـهـد بــأن الله رب البـريـه
والتاء تحيـه للرسـول وصلاتـي
بإعـداد مانحيـا اليـن الممـاتـي
أدى الرسالـه مـن قديـم وآتــي
ولاّه بالتـوحـيـد والله ولـيــه
والثاء ثـلاث سنيـن سـر دعاهـا
اجهر بسبـع ٍ ليـن بانـت عداهـا
وضّـح معانيهـا وبيّـن خطـاهـا
والرابـح اللـي دل درب الوصيـه
والجيم جبت بجعبتـي كـل ماقيـل
والباقي ابقـى والأقاويـل تفصيـل
آمنت بـك يـارب ياعـادل الميـل
تعفو على مـن داس درب الخطيـه
والحاء حكيت بكل ماهـو طرالـي
والباقي اعظم من حمـول ٍ ثقالـي
يالله تجملنـي وهـي راس مالـي
ويالله تعطي مـن نـوى بالعطيـه
والخاء خدعني فيه ويـن الجمالـه
هذا الخـوي اللـي تقصّـر حبالـه
مثل الحويج اللـي غدوبـه عيالـه
ضاموه فـي دنيـاه قبـل المنيـه
والدا دعيت اللي مشى درب الأدناس
ليت مـع درب المقفيـن نومـاس
والأ ترى دنيـاك تهديلـك اتعـاس
غيرك مشى والموت جالـه هديـه
والذاء ذليـل ٍ ياعديـم المعاريـف
مارحت مع من راح فوق المشاريف
تقلط ولا لك بالتراحيـب تشريـف
وان رحت قطعى يارفيـق المطيـه
والراء ربحت ونعم ياراعي الجـود
مالك مع هـرج الرجاجيـل منقـود
نعم اليمين اللي عطـت بيدهـا زود
عـز ٍ لراعيهـا وعـز ٍ لخـويـه
والزاء زمان كملـت فيـه الأعـذار
ماعاد به جيره ولـى عادبـه جـار
صارت عوايدهم على صبغة جـدار
مايلتقـون الأ فـي عيـد الضحيـه
والسين سلم عـد مايجـري الـدم
لأهل الشهامه والوفاء من بني عـم
اولاد يـام ٍ لا بـدى الشـان تلتـم
كسّابـة الطـولات فـي كـل هيـه
والشين شفنا للخوي ويـن مـاراح
من يام والأ من حدى الناس سـواح
محزم في صدر اللي يدور له سلاح
في حزة المضيـوم عجـل ٍ مجيـه
والصاء صحيح ان المراجل صعيبه
كم واحد ٍ ذالوقـت جابـت طبيبـه
وماكل رجـل ٍ بالمواقـف حريبـه
وماكـل رجـل ضـاع بالمهمهيـه
والضاء ضعيـف ٍ ياقليـل المـروه
ياللي تعيب الخلق ولا فيـك خـوه
ضو النميمه زاد فـي شـب ضـوه
يلعب على الحبليـن قصـده اذيـه
والطاء طموحي بالعلا عنـد ربعـي
في ديرة هي شرعها مثـل شرعـي
ولاني بمنهو يحسب النـاس تبعـي
قدامـي رجـال ٍ لـهـم مقـدريـه
والظاء ظفرنـا يـوم حنـا تبعهـم
نرضى برضاهم وان زعلنا بزعلهـم
ومن زل فيهم شرط ماهـو ولدهـم
وان كان منهم عندنـا لـه شظيـه
والعين عفت الراس راس النعامـه
ياصاحب ٍ توضـح عليـه العلامـه
عيبٍ على الرجال يجـرح عمامـه
ليتـه تعلـم مـن رجـال الحميـه
والغين غابـت غيمـة الـود عنـا
والقلب مـن شكـواه لامـا تهنـا
ربـع ورفاقـه ثـم صرنـا وكنـا
يالله تــرد ايامـنـا الأولـيــه
والفاء فلاني مرتكب لـي جريمـه
امشي علـى النيـه دروب سليمـه
قلت الحقيقـه دون كـذب ونميمـه
في قافي اللـي تسمعونـه سويـه
والقاف قول العـرف منـي بدعتـه
واللي بدى مـن خافقـي مامنعتـه
حول من الله جيتكـم قـد جمعتـه
وجهـت فكـري للعقـول الذكيـه
والكاف كني مـن قريـب خـلاوي
وماني من اللي في مماشيه غـاوي
واللي هقيتـه ماخـذل بالهقـاوي
كـم واحـد ٍ جيتـه معلـق طليـه
واللام لو ان الخطاء فيه مسمـوح
ماكان قلنا يابن الاجـواد مسمـوح
نبغى الستيره لو على سكة جـروح
ونبغى الكلام اللـي مجنـب رديـه
والميم منـي للخـوي وقفتـي لـه
في ساعة ضاقـت عليـه الطويلـه
يقبل عليـه القـوم مثـل المخيلـه
لا شرفت بالصيـف فـي جرهديـه
والنون نادى خافقي هاجـس البـال
اطرد ورى الاحوال من حال في حال
واقول ياربعي لـي العـم والخـال
واعتـز مـادام الطلاقـه هـويـه
والهاء هويت الشعر لاجل المطاليق
صفيت قافه لا تهيض من الضيـق
ماقلت ابكتب وارتجي منه تسويـق
في شيخـة العربـان والأ الرعيـه
والوا ودعت الحكي عنـد الأخـوان
وماني بخص فلان وفلا ن وفـلا ن
جاكم كلام الصدق من يـام عدنـان
من لابة بالضيـق زبـن السريـه
والياء ياعل الدرب صـوب الغنايـم
يبقى علـى ممشـاه والحـظ قايـم
لاجـل الخطيـه ماتـردى العزايـم
ولاجل الصواب نقول مابه ( خطيه )
،، علي العجمي

[خالد العتيبي]

صح لسان الشاعر

وسلمت يدين الناقل

[رامي الغنامي]

صح للسأن الشأعـرٍ

سلمـت يديـن ][ النااقل ][


تقـبل تحياتي أخوٍك (( ألـــ.غ.ـــنـــأمـــي ))



دمـت بــخيرٍ