درب الحب

[غازي العتيبي]

بسم الله الرحمن الرحيم




اطرح امامك هذه الابيات المتواضعه ارجو ان تعجبكم



درست درب الحب عاشق دراسته=واتقنت درسه غايتي في وناسته

لاكن ماحصلت فيه الوناسه=الا الشقا دربه والاقدام داسته

ليله سهر واشواق واحزان دايم=والصبح تبدي لك بوجهه عباسته

يسري بك الهاجوس والهم والشقا=يسقيك في ليله مرارات كاسته

حتى ايش لو انك عزومك قويه=بعده لابد القلب يفقد حماسته

وتضيع في دربه بليا دلايل=لا جايب(ن) فضه ولا جايب(ن) ماسته

عانيت فيه سنين وسنين راحت=سجين ومشدد علييه حراسته

مافيه عفو(ن) يشملك لو طلبته=الا ان ربي يرحمك من حباسته

هاذي دروب الحب ياجاهلينه=فيها يضيع الراس وتضيع طاسته

ياجاهلين الحب فيه انشدوني=ياجاهلين الحب هاذي وناسته


وسلامتكم

[الـــــبحر]

ياجاهلين الحب فيه انشدوني=ياجاهلين الحب هاذي وناسته


صح لــسانكـ ياذيب قمــة الروعه يقبل مروري

[غازي العتيبي]

البحر شكرا على مرورك العطر احترامي لك

[ابوحسان]

صح السانك غازي تقبل مروري

[غازي العتيبي]

ابو حسان صح بدنك ومرورك غالي

[الطرقي المسافر]

صح لسانك الشاعر غازي العتيبي لكن لي ملاحظات على الابيات من ناحيه الوزن والربط بين الصدر والعجز وننتظر منك الجديد ودمت

[غازي العتيبي]

الطرقي المسافر صح بدنك
اولا هل انت شاعر
ثانيا ماهي الملاحظات كي استفيد منك علما بانني متأكد كل التأكيد انه لا يوجد ملاحظات في الوزن والربط بين البيوت
ارجو الرد عاجلا

[الطرقي المسافر]

نعم اخوي غازي العتيبي انا شاعر وسبق وان علقت على عدة قصائد للاعضاء وبامكانك تتبع قصائد الاعضاء بالمنتدى ولي عدة قصائد بالمنتدى ولكن لايكون عندك لبس اخوي في ردي انا لم انقدك في القصيده والنقد ليس عيب او غريب لكن انا اقول لي ملاحظه فقط على القصيده انت كتبت على المهمل او المطلق لكن اقول راجع الوزن والترتيب بالحن على هذا البحر والله يوفقك ولاتزعل ياخي الفاضل

[غازي العتيبي]

شكرا اخوي الطرقي لاكن انا اكتب الشعر من حوالي 13 سنه وهذا اسمه الطرق الهلالي الذي يهمل فيه الصدر ونادرا مايكون على لحن لاكنني انا كتبته على لحن ومستعد الحنه لك اتصل بي او ارسل اميلك على الخاص وانا الحنه لك وانا من بدايتي في الشعر لم اخل في وزن قصيده قبل ولا فيه زعل ولا شي لاكن انت عتدك لبس
واذا بغيت تسمع لحن القصيده اسمع شريط عبدالله بن عون في قصيدته اللي يقول فيها( الله من قلبن همومه تلامسه.بيدينها في كل ليله تخامسه) اللي ملحنها حبيب تراها نفس اللحن

[عزام]

صح لسانك اخوي غازي


وانا اوافق الطرقي المسافر في الراي


والخطا هذا يقع فيه كثير من الشعراء الي يكتبون على بحر الهلالي تلقى الصدر على المسحوب والعجز هلالي


ونفس الخطا هذا وقع فيه الشاعر الكبير سلطان الهاجري يوم يقول


ترعابه العرى ويبني شحمها=عقب الدهر خطرٍ تزايد فتوقها
يا زينها لا جات عقب المعشى=والنار تشعم والمعاميل فوقها

بس سلطان الهاجري جاب قصيدة 30 بيت ما فيها على المسحوب غير شطرين وهذا امر عادي وطرقوه الشعراء

بس قصيدتك صدرها كلها على المسحوب الا الشطر (يسري بك الهاجـوس والهـم والشقـا)


وانت شاعر وغني عن التعريف لحن الصدر على المسحوب راح تلاحظ الفرق بينه وبين العجز

ودمت يا غازي ودام حضورك

[الطرقي المسافر]

اخوي عزام امسي عليك بالخير وادامك الله ورعاك وين طول الغيبه وبيض الله وجهك على التوضيح الذي انا اقصده بقصيده اخوي غازي العتيبي وغازي شاعر غني عن التعريف ولافي شعره شك ولاريب ولكن الخطاء يحصل والحن يفرق بين المسحوب والالحان الاخرى وربما فارق بسيط لايحس به الشاعر لكن اقول بيض الله وجهك على القصيده والتفهم ورحب الصدر اخوي غازي وحقيقه انك تشرف الشعر بسعه الصدر والبال وانت شاعر اخذها مني شهاده لاتدورها عند غيري لكن حسب ماوضح لك اخوي راعي القلم المعروف واستاذنا جميعا عزام ودمتم

[الطرقي المسافر]

امسي على اخوي عزام من هذا المنبر وقول وين طوله الغيبه اخي العزيز عزام وبيض الله وجهك على التوضيح الذي اقصده بالتفصيل واخوي غازي العتيبي شاعر وشعرك لايختلف عليه اثنان وخذها مني شهاده لاتدورها عند غير لكن الختلاف يحصل في الحن والطرق وخص الطرق المهمل او المطلق او الحر مثل مايسمى عند بعض الشعراء وهذا يكون الصدر حينا طرقه هجيني او طرق المسحوب حسب ماهو معروف ولاينبه له الا الشاعر الذي يربط العجز بالصدر بالحن الكي لايكون هناك لحنان ويخل بوزن القصيده وبحرها الذي طرقت عليه وتقبل احترامي واحييي لك رحابه الصدر وبيض الله وجهك

[غازي العتيبي]

على العموم شكرا للطرقي نبهني في شي والقصيده هذي قديمه ومن البدايات لا تقولون بيتعذر لاكن هذا الصحيح وعزام شكرا لك والبيت اللي قلته هو والشطر الاول اللي على لحن العجز اللي هو لحن قصيدة ابن عون لاكن ترى اللحن الهلالي مايكون على الحان مثل قصيده اشليويح العطاوي في طلال

[عزام]

على العموم شكرا للطرقي نبهني في شي والقصيده هذي قديمه ومن البدايات لا تقولون بيتعذر لاكن هذا الصحيح وعزام شكرا لك والبيت اللي قلته هو الوحيد اللي على لحن العجز اللي هو لحن قصيدة ابن عون

العفو وانا اخوك


كلنا نكمل بعض وانت تساهل وسام من الاداره لتفاعلك ومشاركاتك الرائعة



دمت ودام تواجدك

[غازي العتيبي]

شكرا عزام انت محل الاحترام والتقدير
تراني عدلت في الرد بعد مانت اقتبسته ( سويتها فيك)
دمت بخير عزام

[قسور]

صح لسانك الـــشــاعــر:غــازي الــعــتــيـــبي قـصيده جزله من شــاعــر جزل

[غازي العتيبي]

صح بدنك قسور شكري واحترامي لك وشكرا على مرورك الرائع

[كنز]

صح لسانك شاعرنا المتألق

ننتظرالمزيد من الدرر التي تضئ صفحات المنتدى

يعطيك العافية

[غازي العتيبي]

صح بدنك كنز
وألمنتدى مضئ بوجوك

[قسور]

صح لسانك وبيض الله وجهك ياابو نوف تقبل مروري

[قسور]

حتى ايش لوانك عزومك قويه:بعده لابد القلب يفقد حماسته صح لسانك ياابو نوف تقبل مروري

[هتلر الغربيه]

صح لسآآنكـ ياشاعرنا الله يعطيكـ العاافيه

[غازي العتيبي]

قسو صح بدنك ومشكور سعدت بمرورك

هتلر الغربيه صح بدنك ومسكور على المرور الجميل

[زبن الونيه]

صح لسانك اخوي غازي قصيده اعذب من المي القراح

[غازي العتيبي]

زبن صح بدنك يادكتر شكرا لشخصكم الكريم