جيت آتوسل

[هتلر الغربيه]

..جيت اتوسل اطلب ارضاك عييت
جيت اتعذر مانفع فيك حيله
رجعت لاكرم منك الى والي البيت
رب يسعدك كل من يشتكي له
ياليتني في عشرتك ماتماديت
انا احسبك طب القلوب العليلة
الله حسيبك في عذابي تسليت
منك المحبه شفتها مستحيلة
ياعزوتي يامنوتي ليه صديت
وشفيك ترضالي حياه ذليلة ؟
كم قلت لك ناظر تراني تعنيت
ياشين خلن مايقدر خليله
كنى غريق بحرة الموت ناديت
يصيح لكن مالقاله وسيله
لا تامن الأيام يومك تعليت
يبلاك ربي والليالي طويله
حمل الهوى شلته وعن لومك اغضيت
كم عاشق في الحب ضيع دليله
انا اشهد اني بالهوى ماتهنيت
حرمتني بالغدر دنيا جميلة
لو التمنى فيـــــــــه مكسب تمنيت
يرجع من اللي فات يوم وليلة
مليت ياسيد الغنادير مليت
حبك بقلبي جعل ربي يزيله..