الهـــاوي
02-19-2009, 04:48 AM
هذه القصيده للمغفور له باذن الله /بجاد بن علي الفراهدي مسندها لاخيه من أمه متروك بن متعب الفراهدي رحمهما الله جميعاً عندما كان عسكريا في مدينة قريه العلياء
غنيـت والقلـب المعنـى هيالـي
والعين كن مداخـلِ حجرهـا مـلال
قعدت لـي فـي مقعـد ماستوالـي
وان جيت اباشرد حط فالرجل محبال
ياراكـب حمـرا زواهـا الحيالـي
دمث الحصيـره والعماريـد نحـال
تجفـل لياذيلـت علاهـا الحبالـي
تشدي عنود زادها الريـح بجفـال
واللي علاها مـن قـروم العيالـي
ضارن على سج النضا باشهب اللال
مافوقهـا الا قربـتـه والـدلالـي
ومسلب تودع دم الجـوف وشـال
نجبتهـا نهـار غــب الهـلالـي
ونهار ثالث يـوم وطويـق مدهـال
والشعب ترده مع طلـوع التوالـي
والها على شرمه مضحى ومقيـال
تاخذ لهـا ساعـه وحـزة مجالـي
وركابها ياخـذ مـن البـن فنجـال
والدرب خشـم زريبـات المحالـي
تمسي وترسي عند ماضين الافعـال
فالماقع اللـي بيـن روس الجبالـي
مابين ظلم وبين سفـوات والخـال
رد السـلام وبلغـه كـل غـالـي
واقصر سلامي عن دعابيل الانـذال
وبلـغ سلامـي للعضيـد الموالـي
والله لياذكرنـي لياطقـه الـجـال
قله ترانـي فـي حـدود الشمالـي
فـي ماقـع مايصلـه كـل رجـال
معي من العتبـان سربـة عيالـي
خمسة عشر عدالة الشد وان مـال
وقد رد عليها متروك بهذه الابيات المليئه بالحكم والنصائح
ياراكب اللي مثل وصـف الغزالـي
دوبه يدارى يوم في الرسـن مـال
دوب يتقضـب راكبـه بالحبالـي
وقم السدس مايقـدره كـل رجـال
اليا عطى جـو الخـلا واستحالـي
مثل الفريد الليا عطى خافق الـلال
وان شاف قدمه وخوش وزوالـي
يحوز حوز اللي عن الريح ينجـال
مسرحينه مـن عطـوف العبالـي
وياطا خشوم العرض والفي مـازال
والعصر يشرب من قراح الطوالـي
عطوه من حيد القلص لين يكتـال
ملفاك قرم صـوت نجـره يلالـي
وقله تراني عقبكـم بـاري الحـال
ولجة ضميري مثل هجف المحالـي
والا كمـا لجـة مفاريـد وبــال
علاك ياحامـي الركيـب التوالـي
لجا لصوت الملـح فالجـو زلـزال
ورد السـلام وبلـغـه ياحـلالـي
واشرحلهم وان جيتهم رد الامثـال
وقله طراة الروح سـوق المتالـي
لاريعـن لعيالهـن وفـل الاذيـال
وقله طراة الـروح حمـرا جمالـي
فج العضود عيونها تشعل اشعـال
وقله طراة الـروح شغـل عدالـي
محشـر نلطـم بهـا كـل عيـال
واللـي تثـور داحـلات السيالـي
شقحا ملقحة بعـد حـول وحيـال
وقلـه منازلنـا تشـوق العيالـي
كم مرقب نرعاه بالعـرب الاجهـال
ونصبح وراها في عثاث الرمالـي
وضمن لها يا بجاد في كل الاحوال
والصيف يـم زريبـات المحالـي
والنا على الشعبه مصـك ومدهـال
وما شفت غزلان المها يالشمالـي
ينقضن اللي علـى الـردف ميـال
ليا دوجرن غبطانهـن بالضلالـي
وقدامهن صيد المساريب جهجـال
نشريلهن من طيب السوق غالـي
يوم الضعوف تولد القرش بريـال
واباك تشهـر مثـل حـر يلالـي
دم الحباري فـوق يمنـاه وشـال
وابـاك تذكـر ربعتـك والاهالـي
قدم يحفك هرجتـن تغلـق البـال
يذلق بها اللـي فاللقـاء مايوالـي
والليا جنوبك من جماعتـك وخـال
وان جت تشري الخيل سم كل غالي
خلك على كـل المخاسيـر حمـال
ليا جاك فيهنـه هـروج ومجالـي
يزري يلاوي راسهـا كـل خيـال
لايعجبك رونـاش قصـرن هيالـي
لوان فيه مـن وراء حايطـه مـال
شقن خراب وشق مخـزن دبالـي
ويلقابه السايـل مقاييـل وضـلال
غنيـت والقلـب المعنـى هيالـي
والعين كن مداخـلِ حجرهـا مـلال
قعدت لـي فـي مقعـد ماستوالـي
وان جيت اباشرد حط فالرجل محبال
ياراكـب حمـرا زواهـا الحيالـي
دمث الحصيـره والعماريـد نحـال
تجفـل لياذيلـت علاهـا الحبالـي
تشدي عنود زادها الريـح بجفـال
واللي علاها مـن قـروم العيالـي
ضارن على سج النضا باشهب اللال
مافوقهـا الا قربـتـه والـدلالـي
ومسلب تودع دم الجـوف وشـال
نجبتهـا نهـار غــب الهـلالـي
ونهار ثالث يـوم وطويـق مدهـال
والشعب ترده مع طلـوع التوالـي
والها على شرمه مضحى ومقيـال
تاخذ لهـا ساعـه وحـزة مجالـي
وركابها ياخـذ مـن البـن فنجـال
والدرب خشـم زريبـات المحالـي
تمسي وترسي عند ماضين الافعـال
فالماقع اللـي بيـن روس الجبالـي
مابين ظلم وبين سفـوات والخـال
رد السـلام وبلغـه كـل غـالـي
واقصر سلامي عن دعابيل الانـذال
وبلـغ سلامـي للعضيـد الموالـي
والله لياذكرنـي لياطقـه الـجـال
قله ترانـي فـي حـدود الشمالـي
فـي ماقـع مايصلـه كـل رجـال
معي من العتبـان سربـة عيالـي
خمسة عشر عدالة الشد وان مـال
وقد رد عليها متروك بهذه الابيات المليئه بالحكم والنصائح
ياراكب اللي مثل وصـف الغزالـي
دوبه يدارى يوم في الرسـن مـال
دوب يتقضـب راكبـه بالحبالـي
وقم السدس مايقـدره كـل رجـال
اليا عطى جـو الخـلا واستحالـي
مثل الفريد الليا عطى خافق الـلال
وان شاف قدمه وخوش وزوالـي
يحوز حوز اللي عن الريح ينجـال
مسرحينه مـن عطـوف العبالـي
وياطا خشوم العرض والفي مـازال
والعصر يشرب من قراح الطوالـي
عطوه من حيد القلص لين يكتـال
ملفاك قرم صـوت نجـره يلالـي
وقله تراني عقبكـم بـاري الحـال
ولجة ضميري مثل هجف المحالـي
والا كمـا لجـة مفاريـد وبــال
علاك ياحامـي الركيـب التوالـي
لجا لصوت الملـح فالجـو زلـزال
ورد السـلام وبلـغـه ياحـلالـي
واشرحلهم وان جيتهم رد الامثـال
وقله طراة الروح سـوق المتالـي
لاريعـن لعيالهـن وفـل الاذيـال
وقله طراة الـروح حمـرا جمالـي
فج العضود عيونها تشعل اشعـال
وقله طراة الـروح شغـل عدالـي
محشـر نلطـم بهـا كـل عيـال
واللـي تثـور داحـلات السيالـي
شقحا ملقحة بعـد حـول وحيـال
وقلـه منازلنـا تشـوق العيالـي
كم مرقب نرعاه بالعـرب الاجهـال
ونصبح وراها في عثاث الرمالـي
وضمن لها يا بجاد في كل الاحوال
والصيف يـم زريبـات المحالـي
والنا على الشعبه مصـك ومدهـال
وما شفت غزلان المها يالشمالـي
ينقضن اللي علـى الـردف ميـال
ليا دوجرن غبطانهـن بالضلالـي
وقدامهن صيد المساريب جهجـال
نشريلهن من طيب السوق غالـي
يوم الضعوف تولد القرش بريـال
واباك تشهـر مثـل حـر يلالـي
دم الحباري فـوق يمنـاه وشـال
وابـاك تذكـر ربعتـك والاهالـي
قدم يحفك هرجتـن تغلـق البـال
يذلق بها اللـي فاللقـاء مايوالـي
والليا جنوبك من جماعتـك وخـال
وان جت تشري الخيل سم كل غالي
خلك على كـل المخاسيـر حمـال
ليا جاك فيهنـه هـروج ومجالـي
يزري يلاوي راسهـا كـل خيـال
لايعجبك رونـاش قصـرن هيالـي
لوان فيه مـن وراء حايطـه مـال
شقن خراب وشق مخـزن دبالـي
ويلقابه السايـل مقاييـل وضـلال