اربع طعش عامٍ دراسه وتعذيب

[غريب الحياه]

هالابيات تعبّر عن مشكله حصلت لي فتره من الفترات لما كان مديرنا اجنبي وكان يبي يكرش كل سعودي بالمكان اللي هو فيه مع العلم ان رب نعمته واللي مشغّله معنا سعودي ولا كان يدري هي تطش والا تمطر .. والان هي تعني معاناة كل من مر بتجربه مثل تجربتي .. والله يعز الحكومه يازين دوامهم والعز والمعزه http://www.yaseraltoijry.com/vb/images/smilies/smile.gif


اربع طعش عامٍ دراسه وتعذيب = زرعت لكني جنيت الخساره
ذيبٍ عوى وايجاوبه بالعوى ذيب = مانشترط مكتب .. وكرسي .. واداره
نبي معاش مواجهٍ للمطاليب = ماهوب لازم نلتجي للطراره
قالوا نسعود بس مافيه تدريب = مافيه وقت اليوم يوم التجارة
والاجنبي شغّال من دون تجريب = راتب .. بدل .. موتر .. وينفض غباره
هذا اجنبي / يعني رعايه وترغيب ! = وانتم عسى مرقادكم بالغمارة !
تبي تعيش بذل بين المعازيب ؟! = تعال والتاجر يحطّك حماره
ليما تعلّم قيمة الذل والعيب = وكلٍ يحصلها بحسب اقتداره
مدحت .. وعبدالحق .. محمود .. واديب = حطو لهم عشرين بيت وعماره !
لاشك نرحمهم وطردتهم اتعيب = لو كان فيهم حقد زايد قذاره
وحنا نعاني فقر من دون ترتيب = واليادشرنا قيل رمز الدشاره !
ياخادم البيتين دارت دواليب = بالراس ماتحتاج غير الاشارة
وجآتك بريح المسك والزهر والطيب = ودقت تحية عسكريّ الخفارة
جاتك تصافح يدك يامنبع الطيب = نقّيتها لجلك بفن ومهارة
ارجوك شف لي حل لا اشقق الجيب = شرحت لك حالي بصدق العبارة
على ولاي وحبك اشبّ وآشيب = وانا سعودي نمرةٍ واستمارة
ياحر ياللي فوق روس المراقيب = العذر كان احمد تردّت مهاره

__________منقووووووول________

[أصيل بتفاصيل]

سلمت يمينك غريب الحياه

وصح لسان شاعرها

قصيده في قمة الروعه

[مخاوي خالد]

صح لسان الشاعر

وسلمت يمينك أخوي غريب

[ابو رائد]

صح لسأن الشاعر وتسلم اخوي غريب

[رامي الغنامي]

مششششششششششكور ..,,,, على آلنقـل ,,


دمت بخير وبصحه وبسسسسسسسسسسلأمه