سر يا قلم مالي على الصبر طاقه !!

[نــواف الغنــامي]

مما راق لي

قصيده للشاعر بندر بن سرور رحمه الله




سر ياقلم مالي على الصبر طاقه=صبري تعدى الحد ماعاد ينطاق
أكتب لمثلي قصته واشتياقه = في خطك الواضح على بيض الأوراق
قصة حزين صافي الحر ذاقه= انا بذكره ماصله خاطري ضاق
باقو به الأصحاب والوقت باقه = وصار الضحيه بين باير وبواق
يمشي وهو ماحس في كسر ساقه = امسى على ساقين واصبح على ساق
مهذي سواة الوقت شين اصطفاقه = الوقت لو يصفى لك ايام دراق
لاشك يامن معك عقل ولباقه = بنصحك كان انك للأمثال تشتاق
صادق رجال يعرفون الصداقه = يقفون صفك يوم يبسات الأرياق
ومن يرغب فراقك فعجل فراقه = جاز الذي يجزيك أفراق بفراق
يقوله اللي جاير الوقت عاقه = ولازال في غيبوبة الهم مافاق
حظه على اقشر شي للنفس ساقه = بقبور الاحياء ينتظر يوم الأطلاق

[العطااااوي]

سلمت يمناك نواف


الله يرحمك يا بندر بن سرور

[خالد العتيبي]

رحمك الله يابندر



سلمت يمنك اخوي نواف


اتحفتنا بهالقصيدة الرائعة

[سطاااام]

بيض الله وجهك نوووواف


احسنت الاختيار والنقل

[مخاوي خالد]

الله يرحمه ويسكنه الجنه


لا هنت نواف

[نــواف الغنــامي]

الله يسلمكم جميع


ولاهنتــــــو


على المروووور ..



..