ياوزيــر المـــــال

[سنايدي]

راقت لي ونقلتها لكم

تحاكي الواقع الحالي



ياوزير المال تكفى كـان عنـدك حيلـه=شوف لي عندك خبيرٍ يستطيع إرشـادي
ينفذ المصروف مني بعـد عاشـر ليلـه=وباقي العشرين في صبر وضنك واجهادي
راتبي سته ومستاجـر وعنـدي عيلـه=واسرتي عشره من الجنسين وانا الحادي
وارتفاع اسعار الاشياء عندكـم تفصيلـه=الزياده مذهله والوضـع ماهـو عـادي
والتجارة عن هموم الناس فـي تعسيلـه=خلت أمر السـوق للمحتـال والمتمـادي
يرفعون السعر فوق ويبخسـون الكيلـه=والغلا الفاحش من الممكـن وراه ايـادي
والمحلـل وش يحلـل ضايعـاّ تحليلـه=سندوابـه بطـن وادي واحدروبـه وادي
وانت يامن يشتكي لي حالته وابكي لـه=فوّض امرك للكريم وخـل جـوك هـادي
لايهـمـك لا فتتاحـيـه ولا تقفيـلـه=اترك السوق بخوافيه ان نقص ون زادي
كنت اهيجن كلما النفط ارتفـع برميلـه=فرحة به واحسبـن المستفيـد ابـلادي
مادريت ان السعه والخيـر فـي تنزيلـه=والسنين اللي مضت لي كنت فيها غادي
ينخفض ويعّـود الـدولار سيـد جيلـه=استفيـد وتستمـر الفايـده لحـفـادي
ياوزير المال هل للوضع مـن تعديلـه؟=قبل ترخص ذمتي من شان عيش اولادي



الشــاعر/زيد بن راجح

[ولدنجد]

مشكوووووور والله يعطيك الف عافيه

[كان هنا]

والله من عنوان القصيده جيت مطامر (ما راقت لكــ لحالكــ يابعد سبدي)

الله يبيض وجهك يا سنايدي
وصح لسان الشاعر /زيد بن راجح

[الاسطوره]

مشكوووووور والله يعطيك الف عافيه

[أميرة الشوق]

قصيده راااااائعه سلمت يمناك

دمت بود