قصيده نالت المركز الاول

[سويد بن رشوان]

هاذه قصيد نالت المركز الاول في مسابقه هضبة المطلاع

في الكويت عام 1419 هجري واللجنه مكونه من الشاعرين الكبيرين

حمد الديحاني ومشعل النبهان




فكرت فالدنيا وفكرت فالناس=ولقيتهم مثل الوجيه البخيله
من شافهم ضني يعود للفلاس=تبور مابين العميل وعميله
اجلس الوقيف واقيم جلاس=تضحك بها راع العقول الهبيله
ياحمس قلبي حمس بنن بمحماس=بيدين من حطه بوسط الدليله
جابوه من صنعاء على قب الافراس=فوق العبيه جايبه والكحيله
حطوه فالمحماس محماسه نحاس=على الضا محروق واعزتيله
بيدين خبلن ماعرف وزن وقياس=لاهن عنه ماشاف وش هو حصيله
عقب احرقه ماعنده اشعور واحساس=ميل على نجرن تزايد عويله
زله على الي كنها طير قرناس=مربوبتن محروق بنه وهيله
فنجاله الي زاد باعماسه اعماس=ساقه وعدى الكيف شيخ القبيله
الوقت داير والعرب فيه دراس=احدن غدى واحدن لدربه دليله
واحدن على الفتنه وللشر مقباس=وادنات شين ماش يظهر حفيله
احدن سوات الهرش لو يضرس اضراس=لاشاف زولن مر حول الفصيله
قب الهدير ونوخه كل مرماس=يضرب على راسه بزند وفتيله
واحدن يجي مثل القرافيش هلاس=بين الخلايق دوم يومي شليله
تخالفوا بين الطبايع والاجناس=والكل منهم كل برقن يخيله
احدن يبى المرباع للدار عساس=واحدن وقف فالدرب حين تحويله
الراس عود ذيل والذيل جا راس=والعايل اصبح كل شيخن يعيله
انصحك يالي تبغي المجد نبراس=لابد ماتتعب وتلقى مثيله
اصبر على مر الليالي والاتعاس=واذهن تلبس من ثياب الفشيله
حذرى تدنس في مداهيل الادناس=مثل الهبوب ان زوعت بالمخيله
وصلاة ربي عد ماهب نسناس =على شفيع الخلق راع الفضيله

[أبو عبدالرحمن]

مشكوووووور والله يعطيك الف عافيه

[عزام]

ساقـه وعـدى الكيـف شيـخ القبيلـه


امحق شيخ .. اجل يعدى الفنجال!!

لا تعليق.... :24:

[شنار]

صح اللســــــــــــــــــــــــــــــــــــــــــــــ ـــــــــــــــــــــــــــــــــــــنك لاهنــــــــــــــــــــــــــــــــــــــــــــــ ــــــــــــــــــت

[الطرقي المسافر]

صح لسان الشاعر والقصيده جزله للغاية

وحقيقه تحمل كثير من النصائح المفيده

واسهاب الشاعر في المعاني الذي تحفظ

حق الاصاله وبيض الله وجهك على هذه

القصيده لو أن هناك عدت قصائد قريتها

سابقن لك أخي ويوجد بها بعض الاخطاء

الملائه وعدم توظيف المعنى نريد كل

قصائدك على هذه النمونه بالمعنى

والجزاله وتقبل احترامي