الطرقي المسافر
05-03-2010, 11:06 AM
الاخوان الاعضاء والمشرفين والمراقبين الاعزاء أسمحولي بهذه الابيات التي كتبتها من فيض النفس في شبه قصيده أجتماعيه تحاكي الواقع لمانشاهده من التداعيات في هذا الزمن بين الاقراب والجار والاخوان وكذالك أمور كثيره غير والقصيده تعبر عن نفسها وأرجو بأن تليق على مسامعكم وذوقكم
ونترككم مع القصيده المتواضعه.
دنياك لو أضحكت يا لعبد منكوبه = والناس كل" غدت ترقص شياطينه
وان جا يتوب البنادم زادت ذنوبه = لوخلص الدين الاول ما خلص دينه
صرنا كما قند هار العام وشعوبه = والهند والسند قام يصفق يدينه
ولاتطفي النار دام النار مشبوبه = والوقت مزعج وكاثرتن مجانينه
كانت مواريد عدن عذب مشروبه = في وقتنا اللي منول نذكر اسنينه
يوم" غلطا تنا ماهي بمحسوبه = إليا جاتنا من قريب" ديننا دينه
نسمع وانترك وكل" عنده سلوبه = وهرج المجالس إليا جا شينه وزينه
ما همنا هرج خبل" ينفخ اذروبه = ولو قال له علم يبلش في عناوينه
والناس من وقتها طالب ومطلوبه = ومن لاقرى الكتب كيف يبري ايمينه
فصيلت الدم فالقوران مكتوبه = قريت تفسيرها والقوم قارينه
قوم" ورى المصطفى ماشين بدروبه = نمشي بدينه وبيت الله حا مينه
في سلم وامان ولاثارت احروبه = الدرب واحد ويا بو زيد ماشينه
بالمله اللي على الاصحاب محبوبه = وان صار ماهوب واحد عود اثنينه
الناس بحقوقها ماهي بمغصوبه = وحنا نشوف الطريق وناخذ ايمينه
بسلوم جد اننا كل" بما جوبه = ناخذ ونكسب وعقب ايام معطينه
واللي يجنب ترى ما نلتفت صوبه = يروح والقاع واسعتن ميا دينه
حان الوعد يالسنافي وصل مندوبه = ويسلم الخط في يمناك بيدينه
من صاحب" مايدور شي في جيوبه = أقره يابو زيد وافهم في مضامينه
شعر/أبوزياد
ونترككم مع القصيده المتواضعه.
دنياك لو أضحكت يا لعبد منكوبه = والناس كل" غدت ترقص شياطينه
وان جا يتوب البنادم زادت ذنوبه = لوخلص الدين الاول ما خلص دينه
صرنا كما قند هار العام وشعوبه = والهند والسند قام يصفق يدينه
ولاتطفي النار دام النار مشبوبه = والوقت مزعج وكاثرتن مجانينه
كانت مواريد عدن عذب مشروبه = في وقتنا اللي منول نذكر اسنينه
يوم" غلطا تنا ماهي بمحسوبه = إليا جاتنا من قريب" ديننا دينه
نسمع وانترك وكل" عنده سلوبه = وهرج المجالس إليا جا شينه وزينه
ما همنا هرج خبل" ينفخ اذروبه = ولو قال له علم يبلش في عناوينه
والناس من وقتها طالب ومطلوبه = ومن لاقرى الكتب كيف يبري ايمينه
فصيلت الدم فالقوران مكتوبه = قريت تفسيرها والقوم قارينه
قوم" ورى المصطفى ماشين بدروبه = نمشي بدينه وبيت الله حا مينه
في سلم وامان ولاثارت احروبه = الدرب واحد ويا بو زيد ماشينه
بالمله اللي على الاصحاب محبوبه = وان صار ماهوب واحد عود اثنينه
الناس بحقوقها ماهي بمغصوبه = وحنا نشوف الطريق وناخذ ايمينه
بسلوم جد اننا كل" بما جوبه = ناخذ ونكسب وعقب ايام معطينه
واللي يجنب ترى ما نلتفت صوبه = يروح والقاع واسعتن ميا دينه
حان الوعد يالسنافي وصل مندوبه = ويسلم الخط في يمناك بيدينه
من صاحب" مايدور شي في جيوبه = أقره يابو زيد وافهم في مضامينه
شعر/أبوزياد